ENJOUN taldea

Endika, Unai eta Jon gara. Gasteizko magisteritza eskolan, Heziketa Fisikoko azken urtean gaude.

Blog honetan teknologia berriekin egindako lanak ikusi ahal izango dituzue.

Gure egitekoa honakoa zen: Sekuentzia digital bat sortzea, teknologia berriekin zerikusia duten bost ekarpenei buruzko iritzia ematea, klasean emandako bost bitarteko ( mindomo, pixton, scratch, livestream eta voki) praktikan jartzea eta beste bi bitarteko aurkitzea eta hauek ere praktikan jartzea. Guk aukeratutako bi bitartekoak picasso head eta jigsaw planet izan dira. Ondoren bitarteko bakoitzaren bideo tutorial bat egin dugu, horrela, blog honetan sartzen den orok gure bitartekoak nola egin ditugun ikusteko aukera izango du.

Guri bertsolaritza asko gustatzen zaigunez, bitarteko batzuk sortzeko bertsolaritzaren gaia erabiltzea erabaki dugu. Gainera, umeentzat oso interesgarria izan daitekeela pentsatzen dugu.

Gure helburu nagusiena teknologia berriak ezagutzea zen eta honek dakartzan abantailetaz jabetzea.

Besterik gabe, espero dugu hemen ikusten dituzuen lanak gustukoak izatea.

ENJOUN taldea

SEKUENTZIA DIGITALA

Ondorengo sekuentzia digitala 3.zikloko haurrei zuzendua dago bereziki. Klasean 18 haur aurkitzen dira, 10 neska eta 8 mutil eta guztien aurrean burutuko dugu adibidea. Kokapenari bagagozkio, Heziketa Fisikoko ikasgaian kokatuta dago. Hain zuzen, txirrindularitzaren alorrean eta baita bide hezkuntzarenean ere.

Azalpenean, haurrek bizikletako gurpilean eginiko zulaketa konpontzen ikasiko dute. Horretarako, haurrek azalpena entzun ostean, 2-3 pertsonako taldetan gurpilen zulaketak konponduko dituzte. Gure laguntza, beharbada, hasiera horretan beharrezkoa izango delarik.

Beharko duten materiala: Partxeak, itsasgarria, lixa, puzkailua. Horrez gain, zuloa non den jakiteko eta berau markatzeko, komenigarria izango litzateke tiza eta urez betetako balde bat ere izatea.

Burutu beharreko pausuak:
1- Aire kamara aterata dugula. Ur baldan sartuko dugu, haizez beterik. Ur barruan sartu eta burbuilatxoak irteten diren lekuan egongo litzateke zuloa. Atera, kamara lehortu eta zuloa non dagoen markatuko dugu.
2- Zuloa dagoen eremua lixaz, ondo lixatuko dugu. Hau oso garrantzitsua da, kola itsasgarria eremuan ondo islatzeko beharrezkoa baita kamara ondo lixatuta egotea. Horrela, partxea ondo itsatsiko da kamaran.
3- Kola eman eta partxea jarriko dugu. Eskuekin ondo zapalduaz.
4- Bost bat minutu itxaron ostean, kamara berriz ere puztuko dugu. Orain, prest dago berriz ere erabilgarri izateko.





Ebaluazio irizpideak                        Bikain    Oso ondo   Ondo   Hobetu beharra


Material guztiak ekarri ditu?

Ondo burutu ditu pausuak?

Azken emaitza egokia izan da?

Jarrera egokia azaldu du azalpen nahiz konpontze lanetan?

Materiala eta taldekideekin jarrera egokia erakutsi du?







Hona hemen guk eignitko bideoa, non gurpilen zulaketak nola konpontzen diren azalduko dizuegu!!

Watch live streaming video from jondelri at livestream.com

VOKI

Zergatik erabili programa hau?

Voki programan avatar baten sorkuntza lantzen da. Avatar hori itxuraz geure erara moldatu eta hitzez ere, guk esan nahi duguna helarazi lezake. Horrela, guk helarazi nahi dugun edozer, berak, errealismo kutxu ikaragarriarekin iragartzen du. Ondorioz, haurren arreta izugarri pizten da, gure hitzei baino arreta gehiago jartzen dizkiete avatarrak esandako hitzei.
Zer egin dezakegu Voki programarekin?

Irakaslearen ordezkapen antzerako bat egiteko edo ikasleei datu zehatz eta motzak zehaztasun maila izugarrian emateko erabili dezakegu programa hau. Haurrek Vokiari jartzen dioten arreta maila izugarria baita.

Bestalde, hizkuntza ezberdinak erabili ahala izateko baliabideak, haurrei hizkuntza ezberdinetan ahoskatze egokia zein den jakinarazteko ere balio lezake!Gainera, kantuak edo bertsoak ikasteko ere bai.

Helburu hezitzailea:

Gure Vokiak euskararen ahoskatzean eta Andoni Egañak 1997ko Bertsolari Txapelketa Nagusian “buruari” botatako bertsoa ikasteko balio du.

Landutako gaitasunak eta horren zergatia:

Bertsoa ikastea. Gure lanendako aukeratu dugun gaia bertsoarena izan da. Beste hainbat baliabiderekin: bertsoaren historia, bertsolariak, bertsoa,…zer diren ikasi ditugu. Baliabide honekin, hain zuzen, Vokiarekin berriz bertsoa zuzenean entzuteko aukera proposatu digu. Honen bidez, haurrek, bertsoa buruz ikasteko aukera izango dute.

Nori zuzendua:

Lehen edo Bigarren Hezkuntzako haurrei.

Abantailak:

Modu berezi eta interesgarri batean haurrak bertsolaritzaren munduan gehiago barneratzen ditugu.

Hemen ikus dezakezue gure Vokia!!Bertan, Andoni Egaña txapeldun handiak, 1997ko bertsolari txapelketa nagusian buruari botariko bertsoa abesten du!





Get a Voki now!



Eta hemen, guk eginiko bideo tutoriala!!

Watch live streaming video from endiruiz at livestream.com

JIGSAW PLANET

Hona hemen 3 bertsolarien argazkiak. Horietako batean sartzen zarenean pieza guztiak nahastuta egongo dira eta zure eginbeharra hauek ordenatzean, hau da, puzzleak egitean datza. Argazkiak errezenetik zailera doaz. Ea zer moduz moldatzen zaren!!!!!!!

Errezena: Andoni Egaña: 20 pieza
Erdikoa: Miren Amuriza: 50 pieza
Zailena: Lazkao Txiki: 70 pieza

ANDONI EGAÑA





MIREN AMURIZA




LAZKAO TXIKI





Zergatik erabili programa hau?

Gelan erabiltzeko baliabide didaktiko oso entretenigarria dela uste dugu. Gainera, erabiltzeko oso erraza da, eta nahi dugun gaiari buruzko puzzleak egiteko aukera ematen digu.

Zer egin dezakegu jigsaw planet programarekin?

Jigsaw Planet programaren bidez, nahi dugun irudia aukeratu dezakegu, eta hau puzzle batean bihurtu. Puzzleak zailtasun ezberdinekoak egin daitezke, eta ondoren hauek blog-gune batean zintzilikatzeko aukera dugu. Programan bertan eskuragarri dauden edozein argazki aukeratu dezakegu, edo baita internetetik deskargatutako edozein irudi erabiltzeko aukera dago. Beraz, programa honen erabilerak anitzak dira, eta edozein gaiari buruz puzzle bat egiteko aukera eskaintzen digu.

Helburu hezitzailea

Haurrek teknologia berriei esker puzzle hauek sortzeko eta hauekin ikasteko aukera izatea.

Landutako gaitasunak eta horren zergatia

Programa honen bitartez, haurrek era dinamikoan ikasi dezakete, eta baita bere sormena, eta ikusmen espaziala landu.

Nori zuzendua

Bereziki, Lehen Hezkuntzako lehen zikloko haurrentzat eta baita Haur Hezkuntzakoentzat

Abantailak

Haurrak puzzleak era erraz batean sortzeko aukera dute, eta hauek gorde eta nahi dutenean egin eta desegiteko aukera izango dute.

Hona hemen jigsaw planet erabiltzeko guk eginiko bideo tutoriala!!!!!

enjounmagis on livestream.com. Broadcast Live Free

LIVESTREAM PROCASTER

Zergatik erabili programa hau?

Livestream procaster oso baliabide interesgarria dela iruditzen zaigu. Ikasleeak beraien presentazioak jende aurrean egin ordez, ordenagailuaren aurrean egiteko aukera dute. Ondoren jende guztiak ikusi ahal izango du. Jendeaurrean egitean lotsa pasatzen da askotan, beraz procaster erabiliz hori desagertuko litzateke.

Gainera irakasleak ere bere klasea bertan grabatu dezake, horrela ikasleek klasean esandako zerbait ahaztuz gero, berriro ikusteko aukera dute.

Lagunen bati esplikazioren bat eman nahi badiozu eta beregana joan ezin bazara, procaster erabili dezakezu, zuk zure grabazioa egingo duzu eta berak bere ordenagailuan ikusteko aukera izango du.

Zer egin dezakegu procaster programarekin?

Mota askotako grabazioak egin, bai pantailarenak, baita gureak ere.

- Adibidez klase baten edota hitzaldi baten grabazioa egin. Hitzaldira edota klasera joaterik ez badugu aukera bikaina eskaintzen digu procasterrek hitzaldia edota klasea jarraitzeko.


Helburu hezitzailea:

 Ikasleak modu entretenigarrian hezitzen saiatzea. Hezkuntzarako teknologia berriak erabiltzen hastea.


Landutako gaitasunak eta horren zergatia:
Hizkuntzarako komunikazio gaitasuna, teknologia digitala erabiltzeko gaitasuna eta ikasleak autonomiaz jokatzeko.

Nori zuzendua:

- Mundu guztiari, ikasle, irakasle eta ordenagailua duen edonorentzat oso aproposa.

Abantailak:

- Teknologia berriekin ikasiko dute haurrek, beraz, teknologia berriekin erraztasuna lortzen hasiko dira. Etxean egiteko aukera izatea.




Hemen guk egindako bideo tutoriala!!

Watch live streaming video from enjounmagis at livestream.com

SCRATCH

Zergatik erabili programa hau?

Ikasleen arreta geureganatzeko eta ikasleek jolastuz ikasteko programa egokia dela iruditzen zaigu. Gainera, eduki interesgarriak landu daitezke bertan eta bere baliabideak ia agortezinak dira. Beste alde batetik, ikasleek programa erabiltzen ikasiz gero beraien edukiak lantzeko baliabide gisa erabili dezakete.


Zer egin dezakegu scratch programarekin?

-Edukiak lantzeko erabili genezake, galderak proposatu eta erantzunak landuz.

- Edozein gairekin lan egin dezakegu: bertsolaritza, animaliak, monumentuak, hiriak,…

- Zenbaki bidezko ariketak egiteko aukera ere eskaintzen du, matematika.


Helburu hezitzailea:

- Ikasleak modu entretenigarrian hezitzen saiatzea. Betiko liburu eta idatzietatik aparte, haurrek, lehiaketa erara, beraien jakintzak ebaluatzen dituzte.


Landutako gaitasunak eta horren zergatia:

- Euskal Herriko hainbat bertsolari ezagun ezagutzea. Gainera, erantzunaren ondoren informazio gehigarria eskaintzen dio jolasak ikasleari.

Nori zuzendua:

- Lehen edo bigarren hezkuntzako ikasleei.

Abantailak:

- Jolas bat da, baina, puntuazioa ere kontutan hartu liteke. Ondorioz, haurrek gustora eta modu entretenigarrian lantzen dituzte edukiak.



Orain gure scratchean jolasteko aukera izango duzue!!! ea zenbat dakizun bertsolaritzari buruz!!!!!!

Conoce más sobre este proyecto



Hona hemen scratcha nola erabiltzen den jakiteko guk egindako bideo tutoriala!!

Watch live streaming video from enjounmagis at livestream.com

PIXTON

Zergatik erabili programa hau?

- Pixton programaren bidez edukiak edo haurrei zuzendu beharreko argibideak, komiki bidez azaldu ditzakegu. Horrela, haurren arreta piztuaraziz. Gainera, mezu horiek modu sinple eta ulergarrian ematen dira.
Guk, gure komikian, haurra eta aitonaren arteko elkarrizketa bat irudikatu dugu. Aitonak, Lazkao Txiki bertsolari barregarriaren istorioak kontatzen dizkio haurrari. Horrela, haurrengan bertso nahia pizten saiatuko gara, baita, Euskal historiaren interesa piztarazten ere.



Zer egin dezakegu Pixton programarekin?

- Pixtonaren bitartez edukiak edo argibideak marrazki eta hitz bidez eman ditzazkegu. Horrela, haurrei, interesgarria eta ulergarria egiten zaie helarazi beharreko hori. Batez ere, ulergarria, pausuz pausu, hitz eta irudi erabiliaz, argi ikusten baita azaldu beharrekoa.
Horrela, haurrei; errepideak nola pasa, ikasgelan nola jokatu,…. Azaldu diezaiekegu.


Helburu hezitzailea:

- Gure pixtonaren helburu hezitzailea haurrak bertsolaritzaren eta Euskal kulturgintzaren inguruko arretan piztea da.

Landutako gaitasunak eta horren zergatia:

- Bertsolaritzaren inguruan ari garenez, berau beste ikuspuntu batetik ikustaraztea. Hots, bertsolaritza soilik bertsoa ez dela ikustaraztea, baita, bizi jokabide bat ere. Baita, bertsotan, doinu eta arrima gabe egin daitekela helaraztea ere.

Nori zuzendua:

-Lehen eta Bigarren hezkuntzako haurrei zuzendua.

Abantailak:

- Modu entretenigarri eta argi batean azaltzen dira edukiak. Pausoz pauso, irudi eta azapenez lagunduta. Gainera, haurren arreta ere pizten du eta horrela kontzeptuak modu erraz eta errentagarrian bereganatzen dituzte.


Hemen duzue gure pixton-a. Ikusiko duzue aitonak nola kontatzen dizkion bere bilobari Lazkao Txikiren historiak!!!






Hona hemen pixton nola egin den ikasteko gure bideo tutoriala!!!!

enjounmagis on livestream.com. Broadcast Live Free